НАЧИНОТ НА ЧИПАН [2025]

На 70 години од изградбата на објектот на Феријалното одморалиште во Охрид и објавувањето на книгата „Стара градска архитектура во Охрид“ под авторство на Борис Чипан, 

АРХРИД организираше изложба и панел дискусија кои се однесуваа на делото на Чипан, а беа поделени во два дела:

1) „1955 г. - Архитектонското наследство како основа за современо проектирање“

2) „2025 г. – Што со модернистичкото наследство денес? Архитектонскиот конкурс како алатка“

АКТ [2024]

Во просторот на поранешна касарна, покрај втората зграда „Пеперутка“, имавме можност да интервенираме со инсталирање елементи во дворот. 

Интервенција има намера да послужи како активатор на просторот, меѓутоа и да даде лик и идентитет на местото. Истата се сости од урбана опрема од еуро палети и мурал долж фасадата на овој двор. Настанот се отвори со активности - пример за користење на новиот простор како музика, читање поезија, проекција на филм и др.

100 ГОДИНИ ВАНГЕЛ НАУМОВСКИ [2024]

На 22.03.1924 е роден охридскиот визионер Вангел Наумовски. Неговиот творечки опус се простира во домените на сликарство, поезија, резбарство, архитектура, вајарство и претставува своевиден творечки бран во Македонската културна сцена. 

На 23.03 и 24.03, како почит и благодарност кон негиовиот придонес ја одбележавме 100 годишнината од неговото раѓање во форма на графит од поголем размер. Се работи за мотив на една од неговите графики правени во Загреб во 1970 година, изведена на 80 метри квадратни површина заедно со неговиот портрет. Локацијата, неслучајно избрана е во близина на неговиот дом и атеље, со што с поттикна иницијатива јавениот простор - плоштадче „мини маркет“ да го носи неговото име.

РАЗГОВОРИ ЗА КАСАРНА [2022]

Во 1953 година по наредба на ЈНА, во Охрид се воспоставува првата воена касарна. Со одредени прекини таа постои до 2011 кога се отвара за јавноста и истата година е донесен детален урбанистички план за овој простор. Во текот на последните години постојат различни дискусии а просторот останува во лимбо. Со овој настан сакавме да го покренеме прашањето за идниот развој и смерници на касарната.

Преку анализа на можностите за адаптација на еден опфат богат со густо зеленило постојат различни можности каде би било добро да се појави компромис меѓу потребата за урбанизација, комерцијализација, заштита на наследството и јавниот интерес.